Молитвы отъ двѣнадцати трясавицъ и лихорадкъ.

Аватара пользователя
Цила
Сообщения: 4893
Зарегистрирован: Ср янв 24, 2018 11:49 pm
Откуда: Россия
Род занятий: Некромагия, магия Хаоса

Молитвы отъ двѣнадцати трясавицъ и лихорадкъ.

Непрочитанное сообщение Цила » Вс дек 06, 2020 5:48 pm

По обычномъ началѣ глаголемъ первѣе:

За молитвъ святыхъ отецъ нашихъ, Господи Іисусе Христе, сынѣ Божіе, помилуй насъ, аминь. Тресвятое и по Отче нашъ. Господи помнлуй, 12. Слава и нынѣ. Пріидите поклонимся Цареви нашему Богу, поклонъ. Пріидите поклонимся Хр. Ц. и Б. нашему, поклонъ Пріидите поклонимся и припадемъ къ самому Г. Іисусу Хр. Ц. и Б. н., поклонъ.

Молитва Кресту. Да воскреснетъ Богъ и разойдуца врази Его, (до конца).

а) Молитва на всяку немощь:

Владыко Вседержителю, врачу душъ и тѣлесъ, смиряяй и возносяяй, наказуяй и паки исцѣляяй, исцѣли раба твоего имярекъ, немощьствуща, посѣти милостію твоею, простри мышцу твою исполнену исцѣленія и врачбы, исцѣли его, возставляя его отъ одра немоши, запрети духу немощи, отстави отъ него всяку язю, всяку рану, всяку огневицу и трясавицу, аще въ немъ есть согрѣшеніе или беззаконіе, ослаби, остави, прости твоего раба ради твоего человѣколюбія. Ей Господи, пощади созданіе твое, во Христѣ Іисусѣ Господѣ нашемъ, съ нимъ благословенъ еси съ пресвятымъ и благимъ и животворящимъ твоимъ Духомъ и нынѣ, и присно, и вовѣки, вѣковъ, аминь.

б) Молитва св. архангелу Михаилу:

Господи Боже великій, царю безначальный, пошли, Господи, архангела своего Михаила на помощь рабу твоему имярекъ, и защити мя отъ врагъ моихъ, видимыхъ и невидимыхъ. О, Господень великій архангеле Михаиле, излей мира благаго на раба твоего имярекъ. О, Господень великіи архангеле Михаиле, демоновъ сокрушителю, запрети всѣмъ врагамъ борющимся со мною, сотвори ихъ яко овцы и сокруши ихъ яко прахъ предъ лицомъ вѣтра. О, Господень великіи архангеле Михаиле, первый княже и воеводо небесныхъ силъ херувимовъ и серафимовъ и всѣхъ святыхъ, о, чюдный архангеле Михаиле, хранителю не изреченный, буди ми помощникъ во всемъ: въ обидахъ, въ скорбѣхъ и печалѣхъ, въ пустыняхъ, на моряхъ и на рѣкахъ, тихое пристанище; избави мя, великій архангеле Михаиле, отъ всякія прелести діявольскія; егда услышиши мя, грѣшнаго раба твоего имярекъ, ускори на помощь мою и услыши молитву мою. О, великій архангеле Михаиле, побѣди вся противящіяся мнѣ силою честнаго и жівотворящаго креста Господня и молитвами пречистыя Владычицы нашея Богородицы и приснодѣвы Маріи и святыхъ отецъ и архангелъ, и св. апостолъ, и св. пророка Иліи, и св. Николы чюдотворца, и св. великомученикъ Никиты и Евстафія, и преподобнаго отца нашего Нифонта и преподобныхъ отецъ и св. святителей и всѣхъ святыхъ, аминь. О великій архангеле Михаиле, помози мнѣ, грѣшному рабу твоему имярекъ, избави мя отъ труса, и потопа, отъ огня и меча, и отъ напрасныя смерти; и отъ всякаго зла, и отъ бури наносимыя, и отъ лукаваго избави мя, великій архангеле Михаиле Господень, всегда и нынѣ и присно и вовѣки вѣковъ, аминь. Аще кто сію молитву чтетъ на каждый день со усердіемъ и со умиленіемъ, то аще преставленія отъ житія сего, душу его и адъ не пріиметъ.

в) Молитва Господа нашего І. Христа отъ трясавицъ и отъ всякихъ причъ:

Во святую и великую пятницу, егда распяша жидове Господа нашего І. Хр. С. Б., онъ же на крестѣ висяще и дрожаше, а жидове у креста Господня стояще и мучаху Господа рекоща Іисусу: «что дрожиши». Іисусъ же рече имъ: — дрожу ради великія немощи, студеныя трясавицы. — Іисусъ же Христосъ моляся ко Отцу своему глаголя: — Отче, молю тя о всѣхъ людяхъ страсть мою поминающихъ и сею болезнію страждущихъ, избави ихъ отъ тоя́, и сію мою молитву кто при себѣ носяще отъ всѣхъ трясавицъ, да будетъ больнымъ Іисусъ исцѣленіе, грѣшнымъ спасеніе, немощнымъ избавленіе, и посемъ Іисусъ рече: — заклінаю васъ окаянныхъ трясавицъ отцемъ моимъ святымъ Богомъ Саваоѳомъ и всѣмъ воинствомъ ангелъ божіихъ, еще васъ всѣхъ сестеръ дневнихъ и нудящихъ раба б. имяр. и неимете никакія власти и не вредите его ничемъ; заклинаю васъ окаянныхъ трясавицъ и діяволицъ именемъ отца моего Господа Саваоѳа, отъидите вы окаяніи отъ раба божія имярекъ, и побѣжите діяволицы, заклинаю васъ святымъ отцемъ Сисиніемъ и св. архангеломъ Михаиломъ и ангеломъ Сихаиломъ и четырми евангелистами Матѳеемъ, Маркомъ, Лукою, Іоанномъ Богословомъ и егда на одрѣ лежаще святый апостолъ Петръ предъ враты Галилейскими и той боля трясавицею студеною, и пріиде къ нему Іисусъ Христосъ, рече же Петру: о чемъ лежиши? Петръ же отвѣща ему: «Господи, боленъ есмь трясавицею студеною». Рече ему Іисусъ: — возстани, Петре, отъ трясавицы: — и воста Петръ и помолись Господу Богу: «Господи Іисусе Христе, Боже мой, молю тя, даждь всѣмъ людямъ твоимъ такое же избавленіе отъ трясавицъ молящихся святому отцу твоему».Да аще кто сію молитву при себе носитъ или почасту прочитывать будетъ и востая рано и на тощее сердце пити будетъ освященную воду, той воистину отъ всѣхъ трясавицъ избавленъ будетъ вовѣки вѣковъ, аминь

г) Во имя Отца и Сына и Св. Духа аминь. Заклинаю васъ окаянныхъ трясавицъ и діяволицъ Богомъ Вседержителемъ и Господомъ нашимъ Іисусомъ Христомъ и святымъ именемъ Его и святымъ архангеломъ Михаиломъ и ангеломъ Сихаиломъ и четырьми евангелистами Матѳеемъ, Маркомъ, Лукою и Іоанномъ и святымъ отцемъ Сисиніемъ, и положи крестъ въ воду недержанную и погружай крестъ трижды съ молитвою воскресною: и давай пить болящему воду сію по многія утра на тоще сердце, проглаголывай сію молитву надъ водою тако:

Ты еси трясея окаянная, отъиди,
Ты еси гнетея окаянная, отъиди,
Ты еси злобея окаянная, отъиди,
Ты еси гладея окаянная, отъиди,
Ты еси глущѣя окаянная, отъиди.
Ты еси ломея окаянная, отъиди,
Ты еси пухлея окаянная, отъиди,
Ты еси желтея окаянная, отъиди,
Ты еси неядея окаянная, отъиди,
Ты еси корчея окаянная отъиди,
Ты еси хрипущея окаянная, отъиди,
Ты еси плясея окаянная, отъиди.
Заклинаю васъ окаянныхъ святымъ Богомъ Саваофомъ и возлюбленнымъ его сыномъ, Господомъ нашимъ І. Христомъ и всесвятымъ и благимъ и животворящимъ его Духомъ, и всѣми небесными его силами, и святымъ архангеломъ Михаиломъ, и ангеломъ Сихаиломъ, и четырьми Евангелистами и св. отцемъ Сисиніемъ, побежите вы окаянныя трясавицы и діяволицы отъ раба Б. им. за 30 поприщъ; аще не побѣжите, то приведу на васъ окаянныхъ св. архангела Михаила и ангела Сихаиза и четырехъ евангелистовъ, и начнутъ васъ бити и мучити желѣзными прутьями, дадутъ вамъ по 3 и 300 ранъ на день и прогонять васъ и отженутъ окаянныхъ трясавицъ и діяволицъ отъ раба Божія им. въ землю мрачную, темную, непроходную и безводную, въ землю кипящую и горящую огнемъ и жупеломъ, навфою и смолою, на нейже человѣкъ не обитаетъ, а Богъ единъ презираетъ, и заключатъ васъ тамо въ безконечныя вѣки, вѣкомъ, аминь.

д) Молитва заклинательная на трясавицъ:

Въ мирѣ идущу святому отцу Сисинею и виде на горѣ синайстей столпъ огненный отъ земли и донебеси, и съ того столпа изыдоша 12 дѣвъ простоволосыхъ окаянныхъ, и св. отецъ Сисиней вопроси ихъ: — кто вы есте за жены окаяныя волницы? — они же рекоша ему: «мы есть трясавицы, Ирода царя дочери» и глаголюще имъ св отецъ Сисиней: — вамъ окаяннымъ волницамъ дня не велѣно выходить изъ моря и почто вы сами вышли безъ веленія Божія — рекоша же они окаяніи: «мы пришли въ міръ мучити родъ человѣческій, аще кто въ васъ упивается виномъ или кто заутреню просыпаетъ и Богу не молится часто со усердіемъ, и праздника Божіи не чтитъ, и блудъ творитъ, не чистъ востаетъ, и рано пьетъ, той намъ есть угодникъ, того мы и мучимъ. Помолись св. отецъ Сисиней Господу Богу своему, дабы избавилъ отъ скорбей сей родъ христіянскій, отъ акаянныхъ трясавицъ и діяволицъ. Іисусъ Христосъ призва святаго архангела Михаила и ангела Сихаила и четырехъ евангелистовъ: Матѳея, Марка, Луку, Іоанна, повеле имъ бити ихъ окаянныхъ трясавицъ и мучити желѣзными прутьями, и даша имъ по 3 и 300 ранъ на день; окаянія же начаша молитися архангелу Михаилу и ангелу Сихаилу и 4-мя евангелистамъ св. Матѳею, М., Л., І. вопіюще тако: Помилуйте ны рабы Христовы, оставите ны тако мучити, ибо мы побѣжимъ отъ сюду, отъ р. Божія имярекъ бѣжимъ въ землю пусту непроходную и безводную, на ней же человѣкъ не обитаетъ, а Богъ единъ призираетъ и не возвратимся семо, и аще который человѣкъ въ болѣзни сей имена ваши помянетъ и васъ на помощь призоветъ и мы отъ того человѣка бѣжимъ и невозвратимся паки; и вопроси святый отецъ Сисиней: како есть вамъ окаяннымъ имена? И рече ему 1-я: мнѣ имя трясея, 2-я рече: мнѣ имя гнетея, 3-я рече: мнѣ имя злобея, 4: мнѣ имя гладея, 5 рече: мнѣ глущея, 6 рече: мнѣ имя ломея, 7 рече: мнѣ имя пухлея, 8 рече: мнѣ у имя желтея, 9 рече: мнѣ имя неядея, 10 рече: мнѣ имя корчея, 11 рече: мнѣ имя хрипущея, 12 рече: плясея, сестра ихъ старейшая, коего человѣка поймаю, той живъ небудетъ, аще ли тогда прилучится православный или священникъ, да чтетъ молитвы вышеписанныя надъ главою болящаго и потомъ налей въ сосудъ воды недержаной, и погружай свойкресть, его же носиши на персехъ, трижды, съ молитвою воскресною, и давай пить болящему воду сію по многія утра и на тощее сердце Во имя О. и С. и св. Д. аминь.

(Списано П. С. Ефименкомъ со старинной рукописи, доставленной крестьяниномъ Дохтуровымъ изъ с. Закулы холмог. у.)

_________________
Материалы по этнографии русского населения Архангельской губернии / Собр. П. С. Ефименком. — М.: 1878. — Ч. 2. Народная словесность. — С. 207—209.
"Покажите им, на что вы способны. Украдите у них надежду, как тень крадёт свет. Тогда покажитесь сами. Инструмент никогда не меняется, дети мои… Оружие всегда одно и то же... Страх." Конрад Керз ©

Ответить

Кто сейчас на конференции

Сейчас этот форум просматривают: нет зарегистрированных пользователей и 1 гость